Հանդիպում Սբ. Խորանի Երէց եւ Երիտասարդ Ծառայողներու Հետ
Published on
November 28, 2019
Գանատահայոց Թեմի փոխառաջնորդ եւ Թորոնթոյի Սբ. Երրորդութիւն Եկեղեցւոյ Հոգեւոր Հովիւ՝ Արժ. Տէր Զարեհ Ա. Քհնյ. Զարգարեանի եւ Հովիւի օգնական՝ Արժ. Տէր Հայարի Քհնյ. Թանաշեանի հրաւէրով, Շաբաթ՝ 23 Նոյեմբեր, 2019-ի առաւօտեան նախաճաշի սիրոյ սեղանի շուրջ հաւաքուեցան Սբ. Երրորդութիւն Եկեղեցւոյ Սբ. Խորանի երէց եւ երիտասարդ ծառայողները:
Սեղանի օրհնութենէն եւ բացման աղօթքէն ետք, Եկեղեցւոյ Հոգեւոր Հովիւը բարի գալուստ մաղթեց բոլորին եւ շնորհակալութիւն իրենց նուիրեալ ծառայութեան համար, ապա ներկաները իրենց սրտի խօսքերը փոխանցեցին: Մտերմիկ եւ ջերմ մթնոլորտի մէջ քննարկուեցան նոր ծրագրեր եւ ծառայական զանազան հարցեր, ուր շեշտուեցաւ երիտասարդ սերունդի եկեղեցւոյ շուրջ բոլորման եւ ծառայական կեանքի մէջ աւելի աշխոյժ մասնակցութեան կարեւորութիւնը, ի նպաստ Սբ. Եկեղեցւոյ պայծառացման եւ առաքելութեան յարատեւման:
Subscribe to Our Newsletter
Stay connected with the latest news, events, and updates from our church community.
