«ՍԱՍՈՒՆ» ՊԱՐԱԽՈՒՄԲԻ 7-ՐԴ ՏԱՐԵԿԱՆ ԵԼՈՅԹԸ

 Սետա Գանտահարեան

 Ժողովուրդներու մշակութային հարուստ ժառանգութեան մէջ, որը ստեղծուած է բազմադարեան պատմութեան ընթացքին, չափազանց կարեւոր տեղ կը գրաւէ  պարը:

 Ի~նչ հրաշալի իրականութիւն պարզուեցաւ այդ օրը, երբ մեր պատանիներն ու երիտասարդուհիները հանդէս եկան իրենց 7-րդ տարեկան երկու ելոյթով, Շաբաթ, Յունիս 25, 2011, կէսօրէ ետք ժամը 4:00-ին եւ երեկոյեան ժամը 7:30-ին, Համազգայինի Թատերասրահին մէջ, նախագահութեամբ Ս. Երրորդութիւն Հայց. Ա. Եկեղեցւոյ Հոգեւոր Հովիւ՝ Արժ. Տէր Զարեհ Ա. Քհնյ. Զարգարեանի:

 Հանդէսին խօսնակները, Տիկիններ Սիս Ապաճեան (հայերէնով) եւ Թալին Պալեան (անգլերէնով), ողջունելէ ետք ներկաները, ձեռնահասօրէն կատարեցին իրենց պաշտօնը եւ հակիրճ բացատրութիւն տուին պարախումբին մասին:

 «Սասուն» Պարախումբի 60 մասնակիցները եկած էին 600-է աւելի հանդիսատեսներու ըսելու, թէ պիտի մնան տէրը ազգային մեր արժէքներուն, թէ պիտի շարունակեն մեր դարաւոր մշակոյթը իրենց պարով, երաժշտութեամբ, իրենց տոհմիկ տարազներով:

 Ամիսներու վրայ երկարող պատրաստութեան մը արդիւնքն էր ձեռք բերուած յաջողութիւնը շնորհիւ  խումբի ղեկավար ու պարուսոյց՝ Տիար Ճօ Աւագեանին, իր ազնիւ տիկնոջ՝ Սօսի Աւագեանին եւ օգնական իրենց զաւակներուն՝ Սեւակին եւ Սարինին:  Որպէս պարուսոյց ու գեղարուեստական ղեկավար, Ճօ Աւագեան մեծ եռանդ է ներդրած այս ծրագիրը ժողովրդական պարերով թարմացնելու ուղղութեամբ: Ան հակուած է տեսնելու լոյսը իրականէն աւելի պայծառ, ստուերը՝ աւելի նոսրացած:

 Հայկական պարը մերթ թախծոտ, մերթ զուարթ ու կայտառ իր մէջ կուտակած է մեր ժողովուրդի դարաւոր պատմութիւնը:  Ուստի այսօր մեծ հպարտութիւն է մեր հանդիսատեսին մատուցելու հայկական պարը, հոն ներդնելով հայ սրտի ջերմութիւնը, անոր խոհերն ու երազները:

 Զարթօնք, Կիւմրի, Արցախ, Հայաստան, Տլէ Եաման, Բերդ պար եւ այլն. բոլոր պարերը պատմութիւնն էին մեր ժողովուրդին, կռուող ու մարտնչող, մեռնող ու փիւնիկի պէս յառնող ժողովուրդին. պատմութիւնը անոր պայքարին ու յաղթանակներուն:  Պարային ռիթմը կարծես կը հոսէր հայոց լեռներէն, տարազներու գոյները կարծես կը շողշողային հայոց դաշտերէն: Զգեստները հաւասարապէս ներդաշնակ էին եւ կը հմայէին ունկնդիրը:

 «Հզօր Հայաստան» պարի (բեմադրութիւն Սեւակ Աւագեանի) աւարտին բոլոր մասնակիցները արժանացան հանդիսատեսներու յոտնկայս ծափահարութիւններուն եւ խանդավառ կանչերուն:  Բեմ հրաւիրուեցան պարուսոյցը, իր ազնիւ տիկինը եւ օգնական իրենց զաւակները: Իբր շնորհակալութեան եւ գնահատանքի արտայայտնութիւն, յանձնախումբի անունով յանձնուեցաւ  մէկական գեղեցիկ ծաղկեփունջ:  Բեմ հրաւիրուեցաւ Արժ. Տ. Զարեհ Ա. Քհնյ. Զարգարեան, յանձնախումբի ատենապետուհի Տիկին Սիս Ապաճեան, որ իր հերթին բեմ հրաւիրեց Եկեղեցւոյ Ծխական Խորհուրդի ատենապետ՝ Պրն. Ճոն Սաթուրին եւ յանձնախումբի բոլոր անդամները: Յանձնախումբի անդամներէն Խորէն Մարտոյեան գեղեցիկ առոգանութեամբ կարդաց Հ.Հ.Սփիւռքի Նախարար Հրանուշ Յակոբեանի շնորհաւորական ուղերձը:  Վերջինս պարախումբը պարգեւատրած էր պատուոյ գիրով, իրենց մշակութային գործունէութեան համար:  Այդ պահուն Տէր Հայրը բեմ հրաւիրեց Գանատայի մէջ Հ.Հ. Սփիւռքի նախարարութեան ներկայացուցիչը՝ Տիկին Գալապրինա Պօյաճեանը, որպէսզի Ճօ Աւագեանին եւ Սօսի Աւագեանին յանձնէ պատուոյ գիրը:

Երեկոյթի վերջաւորութեան Տէր Հայրը գովեստով արտայայտուեցաւ եւ շնորհակալութիւն յայտնեց պարախումբի ղեկավար Ճօ-ին, տիկնոջը Սօսիին եւ օգնական զաւակներուն՝ Սեւակին եւ Սարինին, ինչպէս նաեւ պարախումբի յանձնախումբի այն նուիրեալներուն որոնք օրն ի բուն կազմակերպչական աշխատանքով  եղան ամբողջական թեւ ու թիկունք:

Come and enjoy Sassoon Dance Ensemble of Holy Trinity Armenain Church, lead by Artistic Drectior and Choreographer, Joe Avakian, in their 4th Annual performance at Markham Theatre!

Experience entertaining and lively Armenian traditional and modern dances. It is an evening of Armenian culture you don't want to miss, with Armenian costumes, songs, and history.

This year, Sassoon Dance Ensemble, will be presenting something new and different, from past performances!

WE WILL BE PERFORMING 2 SHOWS:

1st Show: Saturday, May 17th at 4 PM
2nd Show: Saturday, May 17th at 8 PM

For tickets:
1) Please contact Shogher Menengichian at:
(416) 707 - 8321
shogher.m@gmail.com

2) Holy Trinity Armenian Church office: (416) 431-3001
htac@bellnet.ca
 
3) Any Sassoon Dance Ensemble member

______________________________________________

	Sassoun Dance Group's Spectacular Performance August 2005, Canada's Wonderland Armenian Day
Amazing! Marvellous! Indescribable! These are just some of the words you would have heard people say about the performance of this young and energetic group of dancers who have been practicing for two years now.