ՀՈԳԵՇՆՈՐՀ Տ. ԱԲԳԱՐ ՎՐԴ. ՅՈՎԱԿԻՄԵԱՆ ԸՆՏՐԵԱԼ ԱՌԱՋՆՈՐԴ ԳԱՆԱՏԱՀԱՅՈՑ ԹԵՄԻՆ

Մայիս 30-31, 2014-ին, հիւրընկալութեամբ Միսիսոկայի Սբ. Վարդան Եկեղեցւոյ, գումարուեցաւ Գանատահայոց Թեմի 31-րդ Պատգամաւորական Ժողովը, նախագահութեամբ Գանատահայոց Թեմի Առաջնորդական Տեղապահ Բարձրաշնորհ Տ. Նաթան Արք. Յովհաննիսեանի։ Ժողովի ատենապետն էր Պրն. Ժաք Ստեփանեան։

Առաջնորդարանի յարակից մարմիններու, Հոգեւորականաց եւ Թեմական Խորհուրդի տարեկան տեղեկագիրներու ներկայացումէն եւ վաւերացումէն ետք, տեղի ունեցաւ նոր առաջնորդի ընտրութիւնը։ Առ այդ, ձայներու մեծամասնութեամբ առաջնորդ ընտրուեցաւ Հոգեշնորհ Տ. Աբգար Վրդ. Յովակիմեան, որ 2011 թուականէն ի վեր ձեռնհասօրէն կը վարէր Պուլկարահայ Թեմի Առաջնորդական Տեղապահի պաշտօնը։

Թեկնածուներու եռանուն ցանկի միւս հոգեւորականներն էին՝ Հոգշ. Տ. Սասուն Ծ. Վրդ. Զմրուխտեան եւ Հոգշ. Տ. Առէն Վրդ. Շահինեան։

Ընտրութենէն անմիջապէս յետոյ, Հոգեշնորհ Հայր Սուրբը Հրաշափառ շարականի երգեցողութեամբ, Հոգեւորականաց Դասու անդամներով եւ հանդիսապետութեամբ Առաջնորդական Տեղապահ Գերշ. Տէր Նաթան Արք. Յովհաննիսեանի մուտք գործեց Եկեղեցի։

Նորընտիր Առաջնորդը երախտագիտական աղօթք բարձրացուց առ Աստուած, ինչպէս նաեւ շնորհակալութիւն յայտնեց պատգամաւորներուն իրեն վստահուած այս բարձր պատուի ու ծառայութեան համար։

Յունիս 9, 2014-ին, Ն.Ս.Օ.Տ.Տ. Գարեգին Բ Ծայրագոյն Պատրիարք եւ Ամենայն Հայոց Կաթողիկոսը Հայրապետական գիրով հաստատեց Մայր Աթոռ Ս. Էջմիածնի միաբան,Պուլկարիայի հայոց թեմի առաջնորդական տեղապահ Տ. Աբգար վարդապետ Յովակիմեանի ընտրութիւնը Գանատայի հայոց թեմի առաջնորդի պաշտօնին:

09

Տ.Աբգար Վարդապետ Յովակիմեան

Տ. Աբգար Վարդապետ Յովակիմեանը (աւազանի անունով` Սամուէլ) ծնած է 1972 թ. Յուլիսի 23-ին, Վրաստանի Պաթումի քաղաքին մէջ:

1979-1989 տարիներուն ուսանած եւ աւարտած է Պաթումիի հայկական Ստեփան Շահումեանի անուան միջնակարգ դպրոցը:

1989-1995 տարիներուն ուսանած է Էջմիածնի Գէորգյան Հոգևոր Ճեմարանէն ներս:

Աւարտաճառը պաշտպանած է «Հայ դաւանաբանական միտքի արձագանքները»  Ս. Ներսէս Շնորհալիի Մատթէի մեկնութեան մէջե թեմայով:

1995 թ. Հոկտեմբերին ձեռամբ Տ. Անանիա եպիսկոպոս Արաբաջեանի ձեռնադրուած է սարկաւագ և ծառայութեան կոչուած Մայր Աթոռի մէջ:

1996 թ. Յունիսի 2-ին ձեռամբ Տ. Շահե արքեպիսկոպոս Աճէմեանի ձեռնադրուած է կուսակրօն քահանայ` համալրելով Մայր Աթոռ Ս. Էջմիածնի միաբանութեան շարքերը:

1996-2001 տարիներուն ծառայած է որպէս Աճարիայի (Վրաստան) հոգևոր հովիւ:

2001-2004 տարիներուն ուսանած է Զալցբուրկի համալսարանի Աստուածաբանութեան ֆակուլտետէն ներս:

2004 թ. Պաշտպանած է «Հայ-լատին եկեղեցական յարաբերութիւնները 11-12-րդ դարերումե թեմայով աւարտաճառը և վերոնշեալ համալսարանէն ստացած աստուածաբանութեան Մագիստրոսի կոչում:

2004 թ. Մայիսէն 2005 թ. Հոկտեմբեր ամիսներուն Ն.Ս.Օ.Տ.Տ. Գարեգին Բ Ծայրագոյն Պատրիարք և Ամենայն Հայոց Կաթողիկոսի հայրապետական տնօրինութեամբ ծառայած է Վիրահայոց թեմէն ներս` որպէս փոխառաջնորդ:

2005 թ. Հոկտեմբերի 11-ին Ամենայն Հայոց Կաթողիկոսի հայրապետական տնօրինութեամբ նշանակուած է Սիւնեաց թեմի փոխառաջնորդ:

2006 թ. Ապրիլին պաշտպանած է վարդապետական թեզը «Ս. Դիոնիսիոս Արիսպագացին հայ մատենագրութեան մէջե թեմայով և 2006 թ. Մայիսին Օշականի Ս. Մեսրոպ Մաշտոց եկեղեցւոյ մէջ ձեռամբ Տ. Եզնիկ եպիսկոպոս Պետրոսեանի ստացած մասնաւոր վարդապետութեան աստիճան:

2010 թ. մէկամեայ ուսման է մեկնած է Գանատա:

2011 թ. Ամենայն Հայոց Կաթողիկոսի հայրապետական տնօրինութեամբ նշանակուած է Պուլկարիայի հայոց թեմի առաջնորդական տեղապահ:

Հոգեշնորհ Հայր Սուրբը կը տիրապետէ հայերէն, ռուսերէն, վրացերէն և գերմաներէն լեզուներուն:

Events